Ano ang hospice care? Mga Serbisyo, benepisyo at pagiging karapat-dapat

1. Ano ang hospice care?
2. Kailan mo dapat simulan ang hospice care?
3. Paano gumagana ang hospice care?
4. Anu-anong mga serbisyo ang ibinibigay ng hospice?
5. Ano ang karaniwang hindi kabilang sa hospice care?
6. Ano ang mga benepisyo ng hospice care?
7. Ano ang pagkakaiba ng hospice at palliative care?
8. Sino ang kwalipikado para sa hospice care?
9. Saan ka maaaring makatanggap ng hospice care?
10. Gaano katagal ang hospice care?
11. Paano ka magbabayad para sa hospice care?
12. Simulan nang maaga ang pag-uusap tungkol sa hospice
13. Mga tanong na itatanong sa Iyong hospice provider
14. Ano ang gagawin ng VITAS para sa iyo sa hospice care
15. Mga bagay na madalas itanong (FAQs) tungkol sa hospice care

Ano ang hospice care?

Ang hospice care ay nagdadalubhasa sa medikal na pangangalaga para sa mga taong may malubhang karamdaman na malapit na sa katapusan ng buhay. Sa halip na bigyang-tuon ang paggamot ng karamdaman, nakatuon ang hospice care sa pagbibigay ng comfort, karangalan at quality of life para sa mga pasyente, habang nagbibigay-suporta sa kanilang mga pamilya at tagapag-alaga.

Ang hospice care ay hindi Isang lugar. Ito ay isang uri ng pangangalagang ibinibigay saanman nakatira o tumatanggap ng pangangalaga ang isang pasyente, kabilang ang isang pribadong bahay, isang komunidad na tinitirahan ng mga nakatatanda,​​​​​​​ o isang nursing home.

Sinusuportahan ng hospice care ang mga taong malapit na sa katapusan ng buhay ng mahabagin​​​​​​​g pangangalaga sa pamamagitan ng:

• Pagbuo ng mga pinasadyang plano ng pangangalaga na nakatuon sa layunin at kahilingan ng bawat pasyente
• Pamamahala ng mga sintomas at pananakit
• Pagpapabuti ng quality of life sa ginustong kapaligiran sa pangangalaga ng pasyente
• Paghikayat sa mga pasyente at sa kanilang pamilya na pagsamantalahan ang kanilang oras na sila ay magkasama

Sa VITAS, ang pangangalaga ay idinisenyo upang matugunan ang mga pangangailangan ng mga pasyenteng dumaranas ng malubhang karamdaman, kabilang ang cancer, pagpalya ng puso, dementia, lung disease at iba pang malubhang karamdaman. Kapag ang isang pasyente ay itinuring na karapat-dapat para sa hospice ng isang doctor, makakapagsimula na ang pangangalaga oras na pinili ng pasyente - o ng taong itinalaga na magpasya ukol sa pangangalagang pangkalusugan sa ngalan niya - na lumipat mula sa paggagamot patungo sa pangangalagang nakatuon sa comfort.

Kung ikaw man ay isang pasyente, isang miyembro ng pamilya o isang manggagamot na nangangalaga ng isang taong may malubhang karamdaman, ang pag-unawa ng hospice care ay maaaring makatulong sa iyo na makagawa ng may-kaalamang desisyon tungkol sa kung kailan naaangkop at kung naaangkop ang hospice para sa kanya.

Kailan mo dapat simulan ang hospice care?

Ang hospice care ay maaaring isaalang-alang kapag natukoy ng isang doctor na ang pasyente ay may life expectancy na anim na buwan o mas maiksi pa kung hahayaan ang karamdaman na sumulong sa normal na kurso nito at kapag pinili ng pasyente ang pangangalagang nakatuon sa comfort kaysa sa paggamot na nilalayong magamot ang karamdaman.

Maaaring kabilang sa mga palatandaan na ang hospice care ay maaaring naaangkop ay ang lumalalang pisikal na kakayahan o kakayahan ng pag-iisip, malimit na pagpunta o pagka-confine sa ospital o pagpunta sa emergency department, lumalalang kahirapan na dulot ng sintomas o isang pagnanais na bigyang-tuon ang comfort at quality of life.

Ang hospice care ay nananatiling opsyon para sa pasyente. Ang mga pasyente at pamilya ang magdedesisyon kapag handa na nilang simulan ang hospice services.

Paano gumagana ang hospice care?

Ang hospice care ay nagsisimula sa pagsusuri ng isang doctor upang matukoy ang pagiging karapat-dapat. Oras na pinili ng pasyente ang hospice care, kukumpletuhin ng isang pangkat sa hospice na binubuo ng iba't ibang disiplina ang pagtatasa at magsasagawa ng pinasadyang plano ng pangangalaga na batay sa mga sintomas, pangangalilangan, mga layunin at mga ninanais ng pasyente.

Ang pangangalaga ay ibinibigay sa pamamagitan ng karaniwang mga pagbisita ng mga miyembro ng pangkat ng hospice at 24/7 na kakayahang makatanggap ng klinikal na suporta. Ang plano ng pag-aalaga ay binabago ayon sa mga pagbabago sa kalagayan ng pasyente upang masiguro na ang kanyang mga sintomas ay napapamahalaan at ang kanyang comfort ay napapanatili.

Sinusuportahan din ng mga pangkat sa hospice ang mga pamilya at tagapag-alaga sa pamamagitan ng pagbibigay ng edukasyon, gabay at emotional support sa buong panahon ng pangangalaga.

Anu-anong mga serbisyo ang ibinibigay ng hospice?

Nagbibigay ang hospice care ng komprehensibong mga serbisyo upang masuportahan ang mga pasyente at pamilya, kabilang ang:

• Pangangasiwa ng sintomas at pain management, kabilang ang pagbibigay ng mga gamot na may kaugnayan sa diagnosis ng hospice
• Koordinasyon ng pangangalaga at paghahatid ng home medical equipment at mga supply na may kaugnayan sa diagnosis ng hospice
• Edukasyon at suporta para sa mga miyembro ng pamilya at iba pang mga tagapag-alaga
• Regular na mga pagbisita mula sa isang interdisciplinary care team, na may pakikipagtulungan sa mga kawani ng pasilidad kapag ang pangangalaga ay ibinibigay sa isang komunidad para sa nakatatanda o mga nursing home
• Emosyonal at espiritwal na suporta, kasama ng bereavement support (suporta sa mga naulila) para sa mga mahal sa buhay
• Kapag medical necessary o kailangan ayon sa mga alituntunin ng Medicare, nagbibigay ang VITAS ng Intensive Comfort Care^®, isang mas mataas na antas ng pangangalaga kapag dumaranas ang mga pasyente ng paglala ng sintomas. Ang pangangalaga ay inihahatid sa tabi ng kama ng pasyente sa mga pansamantalang shift​​​ ng 8-24 (na) oras hanggang sa maging matatag ang mga sintomas.
• 24/7 na kakayahang makipag-ugnayan sa isang manggagamot na makapagbibigay ng gabay sa telepono at, kung naaangkop, sa pamamagitan ng telehealth
• Panandaliang mas mataas na mga level ng pangangalaga kapag medicly necessary o kailangan, kabilang ang inpatient hospice care o respite care

Alamin ang tungkol sa 4 (na) antas ng hospice care >

Ano ang karaniwang hindi kabilang sa hospice care?

Kalimitang hindi kabilang sa Medicare hospice benefit ang:

• Mga gamot na walang kaugnayan sa diagnosis ng hospice
• Pangangalaga sa emergency room na hindi inihanda ng hospice provider
• Mga paggamot upang gumaling ang isang pasyente (kung nagkaroon ng bagong gamot na panlunas, therapy o paggamot para sa malubhang karamdaman ng pasyente na maaaring magamit, maaari siyang umalis sa hospice care upang matanggap ito)
• Pananatili sa isang lugar at saka pagkain, maliban na lamang kung para sa isang panandaliang pananatili sa hospice bilang isang inpatient kapag medically necessary o kailangan

Mananatiling may pananagutan ang mga pasyente at mga pamilya para sa karaniwang gastos sa pamumuhay, kabilang ang pagkain at personal care na walang kaugnayan sa diagnosis ng hospice.

Ano ang mga benepisyo ng hospice care?

Natutulungan ng hospice care ang mga pasyenteng mamuhay nang kumportable hangga't maaari sa pamamagitan ng pangangasiwa ng pananakit at ng mga sintomas at sa pagbibigay-suporta sa pisikal, emosyonal et espiritwal na estado ng kalusugan.

Para sa mga pamilya at mga tagapag-alaga, nagbibigay ang hospice ng edukasyon, gabay at emotional support, at pati na rin mga serbisyo ng pangungulila sa pagpanaw ng tao pagkatapos na pumanaw ang isang mahal sa buhay. Maaari ding mabawasan ng hospice care ang mga hindi kinakailangang pagbisita sa ospital sa pamamagitan ng pangangasiwa ng mga sintomas sa mismong lugar na tinitirahan ng pasyente.

Ano ang pagkakaiba ng hospice at palliative care?

Ang palliative care ay maaari ding maibigay sa anumang yugto ng isang malubhang karamdaman at maaaring ibigay kasabay ng paggagamot.

Ang hospice care ay para sa mga pasyenteng inaakalang anim na buwan na lamang ang natitirang buhay o mas maiksi pa at pinili ang pangangalagang nakatuon sa comfort imbes na paggagamot na nilalayong magamot ang karamdaman. Ang hospice care ay sakop sa ilalim ng Medicare Hospice Benefit.

Ang hospice at palliative care ay kapwa nakatuon sa pagpapahupa ng pananakit at sintomas para sa mga pasyente at pamilya.

Sino ang kwalipikado para sa hospice care?

Ang doctor ng pasyente ang tumutukoy sa kanyang pagiging karapat-dapat sa hospice batay sa klinikal na paghuhusga at prognosis. Sa pangkalahatan, ang hospice care ay isang opsiyon kapag ang pasyente ay inaakalang anim na buwan na lamang ang nalalabing buhay o mas maiksi pa kapag hinayaan ang karamdaman na ipagpatuloy ang normal na kurso nito.

Ang mga sakit na maaaring humantong sa pagbaba ng pagganap at pagiging karapat-dapat sa hospice ay kinabibilangan ng:

• Cancer
• Mga sakit sa puso at sirkulasyon
• Dementia/Alzheimer’s
• End-stage liver o kidney disease
• Mga sakit sa paghinga
• Stroke, mga neurological na sakit, ALS (Lou Gehrig's disease)
• Sepsis at post-sepsis na syndrome

Ang hospice care ay palaging isang opsiyon para sa pasyente. Maaaring piliin ng mga pasyente na ihinto ang hospice care at ipagpatuloy ang paggagamot, at maaari silang bumalik sa hospice sa hinaharap kung natutugunan nila ang mga alituntunin sa pagiging karapat-dapat.

Saan ka maaaring makatanggap ng hospice care?

Dahil ang hospice ay isang serbisyo, ang pag-aalaga ay maaaring maibigay sa maraming kinalalagyan, kabilang ang:

• Isang pribadong bahay
• Isang komunidad na tinitirahan ng mga nakatatanda
• Isang nursing home
• Isang panandaliang inpatient na hospice na kinalalagyan, kapag medical necessary o kailangan

Ang mga pangkat sa hospice ay nakikipagtulungan sa mga kawani sa pasilidad kapag ang mga pasyente ay tumatanggap ng hospice services sa mga pangkomunidad na kinalalagyan.

Gaano katagal ang hospice care?

Walang limitasyon sa dami ng oras na maaaring tumanggap ng hospice care​​​​​​​ ang isang pasyente. Bagama't ang hospice care ay nilalayon para sa mga pasyenteng ipinapalagay na anim na buwan na lamang o mas maiksi pa ang natitirang haba ng buhay ayon sa isang doctor, ang pananatili ng pasyente ay maaaring pahabain kapag medikal na naaangkop.

Ang anim na buwang saklaw ng panahon ay isang gabay mula sa Medicare, at hindi ito isang takdang panahon. Ang mga pasyente ay nananatiling karapat-dapat para sa hospice care hangga't patuloy na nagpapatibay ang doctor na natutugunan ng pasyente ang mga alituntunin sa pagiging karapat-dapat batay sa pagsulong ng karamdaman at klinikal na kalagayan. Kapag ang pagiging karapat-dapat ay muling napagtibay, ang hospice care ay makapagpapatuloy nang walang pagkaantala.

Ang hospice care ay maaari ding magbago sa paglipas ng panahon. May ilan sa mga pasyente na idini-discharge mula sa hospice kung ang kanilang kalagayan ay naging mas matatag o bumuti at hindi na nila natutugunan ang mga alituntunin sa pagiging karapat-dapat. May iba naman na nagpasyang tanggihan ang hospice care kung pinili nilang tumanggap muli ng paggagamot. Ang mga pasyenteng na-discharge o tinanggihan ang hospice services ay maaaring bumalik sa hospice sa hinaharap kung muli nilang natutugunan ang mga alituntunin sa pagiging karapat-dapat.

Ang mga eligible na pasyente ay lubos na makikinabang mula sa hospice services kapag mas maaga silang ini-refer sa kanilang paglalakbay patungo sa katapusan ng buhay. Sa mga survey, kalimitang sinasabi ng mga miyembro ng pamilya na "sana ay mas maaga pa naming nalaman ang tungkol sa hospice."

Paano ka magbabayad para sa hospice care?

Ang karamihan sa mga hospice patients ay maliit lamang ang gastos o walang gastos na kailangang bayaran mula sa sariling bulsa para sa mga hospice services.

Sinasakop ng Medicare Part A ang hanggang sa 100% ng hospice care na may kaugnayan sa diagnosis ng hospice, kabilang ang mga gamot, kagamitan at pansuportang serbisyo. Nagbibigay din ang Medicaid at maraming pribadong plano ng insurance ng saklaw sa hospice, ngunit maaaring nag-iiba-iba ang mga benepisyo at mga pangangailangan sa pagiging karapat-dapat.

Dapat na makipag-ugnayan ang mga pasyente at pamilya sa kanilang provider ng insurance para sa mga detalye tungkol sa saklaw at anumang posibleng halaga ng gastos.

Simulan nang maaga ang pag-uusap tungkol sa hospice care

Ang hospice care ay nagbibigay ng pinakamakahulugang pagpapabuti sa quality of life​​​​​​​ ng pasyente kapag nagsimula ito nang mas maaga sa proseso ng kanilang sakit kaysa sa huli.

Inirerekomenda ng VITAS na magsimula ang mga pag-uusap sa end-of-life care​​​​​​​ sa sandaling magawa ang isang seryosong diagnosis. Masisiguro ng mga pasyente na kanilang natatanggap ang pangangalagang kanilang ninanais - at kung kailan nila gusto ito - sa pamamagitan ng pagkakaroon ng maaga at patuloy na pakikipagtalakayan tungkol sa kanilang mga layunin sa pangangalaga at mga ninanais kasama ng kanilang pamilya, mga doktor o kawani ng pasilidad.

Matutulungan ng mga doktor ang mga pasyente na maunawaan ang kanilang mga opsyon at tukuyin ang kanilang mga kagustuhan sa panahon ng mga sesyon ng advance na care planning at mga konsultasyon sa layunin ng pangangalaga. Ang mga pakikipagtalakayang ito na nai-re-reimburse ng Medicare ay magreresulta sa mga advance na directive, mga dokumentong medikal na may bisa na nagpapahiwatig kung papaano dapat gamutin, sa ilalim ng anong mga sitwasyon dapat silang i-resuscitate, sino ang maaaring magsagawa ng mga medikal na pagpapasya sa ngalan nila at higit pa.

Ang sinumang lampas sa edad na 18 ay dapat mayroong advance na directive para mapanatili ang kontrol sa kanilang pangangalaga kung sakali mang hindi na nila magawang makapagsalita para sa kanilang sarili. Kabilang sa mga advance na directive ang mga living will, mga durable/medical power of attorney, isang Five Wishes na dokumento, mga kautusan ng doctor/medikal na kautusan para sa paggamot na makapagpapanatili ng buhay at iba pang mahahalagang dokumento.

Mga tanong na itatanong sa Iyong hospice provider

Kapag isinasaalang-alang ang hospice care para sa iyong sarili o sa isang mahal sa buhay, ang pag-unawa ng mga kakayahan, kasaysayan at pilosopiya ng isang posibleng provider ay magbibigay-daan sa iyo upang makagawa ng isang desisyon sa pangangalaga nang may mas katiyakan. Makakatulong ang mga tanong na ito upang malaman kung ang isang provider ay naaangkop para sa isang pasyente:

• Paano nasasaklaw ang mga gastos sa hospice? Tumatanggap ba ang provider ng Medicare, Medicaid, mga benepisyo ng VA at pribadong insurance?
• Ano ang mga ibinibigay na level ng pangangalaga? Gaano kadalas bibisita ang mga miyembro ng team sa pag-aalaga sa pasyente sa bahay?
• Ano ang proseso ng admissions? Gaano kabilis makakapagsimula ang pangangalaga?
• Ano'ng mangyayari kung sakaling magkaroon ng emergency o mga agresibong sintomas? Naghahandog ba ang provider ng 24/7 na suporta?
• Magagawa ba ng provider na mapamahalaan ang mga komplikadong sintomas sa bahay? Naghahandog ba sila ng mga dalubhasang serbisyo para sa respiratory disease, dementia, cancer, heart disease, sepsis, HIV/AIDS, atbp.?
• Mayroon bang pangangalaga para sa partikular na populasyon ng mga beterano, LGBTQ na pasyente, relihiyosong minorya, at iba pa? Matutugunan at magagawa ba ng provider ang mga partikular na relihiyoso o kultural na tradisyon?

Ano ang gagawin ng VITAS para sa iyo sa hospice care

Ang VITAS ay ginagabayan ng isang pangunahing pagpapahalaga: "Mga pasyente at pamilya muna." Ang bawat serbisyo ng VITAS ay idinisenyo upang mapaligiran ang mga pasyente, ang kanilang mga pamilya at mga tagapag-alaga ng suportang nagpapabuti ng quality of life, mapangasiwaan ang kanilang mga sintomas at pananakit at masiguro ang comfort at karangalan sa isa sa pinakamahirap - ngunit makabuluhang - yugto ng buhay ng isang tao.

Kapag handa na ang isang pasyente na pag-isipan ang hospice care, karaniwang maaaring magsagawa ang VITAS ng pagsusuri sa pagiging karapat-dapat sa loob ng 24 (na) oras at, kung naaangkop, simulan ang isang agarang paglipat sa aming mga serbisyo. Maaari tayong kumuha ng mga bagong pasyente araw o gabi, kahit na sa mga holiday at weekend.

Tinutukoy ng "palaging available" na pamamaraan na ito ang aming buong modelo ng pangangalaga. Isang pagtawag lang sa telepono ang kailangan para makatanggap ng klinikal na suporta ang mga pasyente, pamilya, at tagapag-alaga.

Itinatalaga ang isang interdisciplinary care team ng VITAS para sa bawat pasyente, na kumikilos batay sa pinasadyang plano ng pangangalaga na binuo mula sa mga pangangailangan, layunin at ninanais ng pasyente.

Ang mga miyembro ng pangkat - kabilang ang doctor, nurse, aide, social worker, kapilyan, counselor​​​​​​​ sa pangungulila sa pagpanaw ng tao at iba pang mga espesyalista - ay regular na bibisita upang mapangasiwaan ang mga klinikal, psychosocial at espiritwal na mga sintomas ng pasyente. Nakadepende ang dalas ng pagbisita sa mga pangangailangan ng bawat pasyente at pamilya.

Sa pagkamatay ng pasyente, maaaring dumalo ang mga espirituwal na kawani at iba pang miyembro ng team sa pag-aalaga upang tumulong sa mga ritwal ng pagtatapos ng buhay, mga pag-aayos sa punerarya at mga kahirapan na kaugnay sa pagdadalamhati.

Para sa hindi kukulangin sa 13 (na) buwan ng pagkamatay ng pasyente, patuloy na tinutulungan ng mga bereavement specialist ng VITAS ang pamilya na makayanan ang kanilang pagkawala sa pamamagitan ng mga personal na pangungumusta, mga grupong sumusuporta sa pangungulila at iba pang mga praktikal na hakbang.