Mga Gabay sa Pagiging Karapat-dapat sa Hospice

Ang pasyente ay nagiging karapat-dapat sa hospice kapag ang doktor na tumitingin sa kanya at ang isang doktor ng hospice-alinman sa medikal na direktor ng hospice o kaya ang isang taong itinalaga ng direktor-ay sumasang-ayon na ang pasyente ay may tinatayang natitirang haba ng buhay na anim na buwan o kulang pa kung ang kanyang sakit ay hayaan na magpatuloy sa normal na pagsulong nito. Ang isang pasyente ay dapat ding magpasya na huwag ituloy ang mga paggagamot.

Walang pagtatantiya na eksakto, at ang isang pasyente ay maaaring mabuhay nang mas mahaba pa sa anim na buwan sa hospice. Sa mga ganitong kaso, ang pasyente ay maaaring magpatuloy sa pagtanggap ng hospice care kung ang kanilang anim na buwang prognosis ay muling nirere-certify ng kanilang hospice doctor bawat 60 (na) araw pagkatapos nito.

Inire-refer ng mga doktor ang mga pasyente sa hospice base sa partikular na kalagayan ng isang sakit na nakapagreresulta sa tinatayang anim na buwang natitirang haba ng buhay o kulang pa. Ang hospice doctor ay maaaring makipagtulungan sa nagre-refer o nag-aasikasong doctor, nurse practitioner o assistant ng doctor upang matukoy kung aling diagnosis ang higit na nag-aambag sa pagiging terminal ng pasyente, ngunit ang huling desisyon ay ang responsibilidad ng team ng hospice.

Ang mga kundisyon o sintomas na hindi partikular ay hindi maaaring ilista bilang ang pangunahing diagnosis para sa hospice. Halimbawa, ang kalagayan ng pagiging mahina at kawalan ng kakayahang umunlad ay maaaring magresulta sa pagkakaroon ng limitadong haba ng buhay ng isang pasyente, ngunit ang sumasailalim na kundisyon-tulad ng pagpalya ng puso o chronic obstructive pulmonary disease (COPD)-ay ang magiging pangunahing diagnosis para sa hospice.

Ang National Alliance for Care at Home ay nagbibigay ng kumpletong listahan ng mga ICD-10 code na hindi maaaring gamitin bilang mga pangunahing diagnosis kapag nagre-refer ng mga pasyente sa hospice.

Maaaring makaharap ang mga clinician ng iba't ibang mga hadlang kapag tinatalakay ang pagiging karapat-dapat para sa hospice sa mga pasyente at kanilang mga pamilya, kabilang ang:

• Kawalan ng katiyakan tungkol sa oras - Maraming pamilya ang naghihintay ng masyadong matagal bago isaalang-alang ang hospice, dahil hindi sigurado kung kwalipikado ang kanilang mahal sa buhay.
• Mga maling akala tungkol sa hospice - Naniniwala ang ilan na ang hospice ay para lamang sa mga huling araw ng buhay, ngunit maaari itong magbigay ng comfort sa loob ng ilang buwan kasabay ng komprehensibong pangangalagang klinikal mula sa iba't ibang espesyalista.
• Iba't ibang kondisyong medikal - Ang pagiging karapat-dapat ay nakabatay sa iba't ibang pamantayan depende sa sakit. Maaaring may iba't ibang benchmark ang mga pasyenteng may cancer kaysa sa mga may heart disease o dementia.
• Emosyonal na mga hadlang - Maaaring mahirapan ang mga pamilya na tanggapin ang paglipat sa hospice, sa takot na ito ay nangangahulugan ng "pagsuko." Maaaring maramdaman din ng mga miyembro ng pamilya na hindi pa sila handa para sa pagpanaw ng kanilang mahal sa buhay o naniniwala sila na ang hospice ay magpapabilis sa proseso ng kamatayan. Gayunpaman, ang hospice ay hindi nagpapabilis ng kamatayan o nagpapahaba ng buhay. Nakatuon ito sa kung ano ang pinakamahalaga sa pasyente at pamilya at bumubuo ng plano sa pangangalaga na nakatuon sa mga layuning iyon.
• Kakulangan ng kaalaman tungkol sa kahalagahan ng mga hospice services - Marami ang hindi nakakaalam na ang hospice ay nag-aalok ng pain management, emotional support, spiritua care, pati na rin ang physical therapy, respiratory therapy, speech therapy at iba pang paggamot na nagpapahusay sa quality of life.

Ang mga klinikal na gabay kasabay ng medikal na paghuhusga ang tumutukoy sa pagiging karapat-dapat sa hospice, ngunit ang desisyon na pumili ng hospice ay tanging pasyente o kanilang pamilya lamang ang maaaring gumawa. Maaaring irekomenda ng isang propesyonal sa healthcare professional ang hospice, ngunit hindi kinakailangan ang referral. Maaaring mag-"self-refer" ang isang pasyente o ang kanilang pamilya, ​​​​​​​ibig sabihin ay maaari silang humiling ng pagsusuri mula sa isang hospice provider nang walang bayad.