Ang Apat na Level ng Hospice Care

Ang hospice ay isang pangangalagang nakatuon sa kaginhawahan na dinadala sa bawat pasyente, kahit man ito sa isang pribadong bahay, isang nursing home, assisted living community, residensyal na pasilidad sa pangangalaga para sa nakakatanda, o hospice house.

Tinutukoy ng Centers for Medicare and Medicaid Services ang apat na uri, o "mga antas," ng hospice care. Posibleng maranasan ng isang pasyente ang lahat ng apat na antas, maaaring sa loob lang ng isang linggo o sampung araw ng mga hospice services. Ang ibang pasyente naman ay puwedeng makaranas ng isang antas ng pangangalaga sa loob ng mga ilang buwan ng kanyang hospice care. Tinutugunan ng bawat antas ng pangangalaga ang mga partikular na pangangailangan, at ang bawat pasyente ng hospice ay magkakaiba.

Ano ang Apat na Antas ng Hospice Care?

Ang bawat hospice provider na sertipikado ng Medicare ay dapat magbigay ng apat na level ng pangangalaga:

Hospice Care sa Bahay
Patuloy na Hospice Care
Inpatient Hospice Care
Respite Care

Alamin ang higit pa tungkol sa bawat uri ng hospice care sa ibaba:

Hospice Care sa Bahay

Ang hospice care sa bahay ay ang pinaka-karaniwang uri ng hospice care. Sinusuportahan ng VITAS ang mga pasyente at pamilya na pumipili ng hospice na pangangalaga sa bahay, saanman ang itinuturing nila bilang kanilang bahay. Sa pamamagitan ng mga routine na pagbisita mula sa home hospice care team, masisiguro ang kaginhawahan at dignidad. Ibinibigay nang libre ang mga kagamitan, supply, at gamot na kaugnay sa diagnosis.

Tinitingnan ng nurse ang presyon ng dugo ng isang lalaki habang nakaupo siya sa kama sa bahay

Patuloy na Hospice Care

Kapag medikal na kinakailangan, dapat maghandog ang mga hospice provider ng continuous na hospice care. Sa VITAS, tinatawag namin itong Intensive Comfort Care^®: isang 24/7 na hospice care upang mapamahalaan ang mga matinding sintomas ng mga pasyente at maiwasan ang pagpapaospital hanggang sa panahon na muli nang maipagpatuloy ang mga routine na serbisyo.

Isang lalaking pasyenteng nakahiga sa kama sa bahay, habang nakikipag-usap sa isang nurse ng VITAS

Inpatient Hospice Care

Kung hindi mapapamahalaan sa bahay ang mga sintomas, nagbibigay ang VITAS inpatient hospice care ng 24/7 na suporta hanggang sa puwede nang makabalik sa bahay ang pasyente. Ang aming mga kumportableng pasilidad sa inpatient hospice care ay mayroong suporta na tulad ng isang acute-care na pasilidad habang mayroon ding mga katangian na karaniwang matatagpuan sa isang tahanan.

Kinakausap ng doktor ang isang babaeng pasyente na nakaratay sa kama

Respite Care

Sa respite care, sandaling nananatili ang mga pasyente sa isang Medicare-certified na inpatient hospice na kinalalagyan, para makapagpahinga ang kanyang mga pangunahing caregiver. Sinusuportahan ng respite care hospice ang mga tagapag-alaga para maiwasan ang burnout at mas mahusay silang makapagbigay ng pangangalaga.