Papaano Pumili ng Hospice Provider

Pagdating sa pagpili ng hospice care, talagang mahalaga kung alin ang iyong pipiliin, dahil hindi lahat ng provider ay nakapagbibigay ng magkakaparehong antas ng pangangalaga at suporta.

Bagama't dapat na natutugunan ng bawat hospice na sertipikado ng Medicare ang pangunahing mga kinakailangan sa serbisyo, ang kalidad, kalakasan at saklaw ng pangangalaga ay maaaring malaki ang pagkakaiba-iba sa pagitan ng bawat provider.

Dahil dito, paano ka makasisiguro na pinipili mo ang pinakamahusay na hospice provider para sa iyo?

Ang kakayahan na malaman kung alin ang mga tamang tanong na itatanong ay isa sa mga pinakamahalagang hakbang na magagawa mo sa paghahanap ng pangangalaga na totoong naaangkop sa iyong mga pangangailangan. Ang pag-unawa sa hospice care at kung paano susuriin ang mga provider ay nagbibigay sa iyong pamilya ng pundasyon kung saan ang iyong pagpili ay kumakatawan sa iyong mga pinahahalagahan, mga inaaasahan at ang karanasan sa pangangalaga na nararapat sa iyo o sa iyong mahal sa buhay.

Kuhanin ang Checklist: Ang Pagpili ng Hospice Provider

I-download ang PDF

Mahahalagang punto

Mahalaga ang seritipikasyon ng Medicare: Ang mga sertipikadong provider ang tangi lamang na maaaring sumingil ng mga Medicare hospice benefit, na sumasaklaw sa halaga ng pangangalaga na nauugnay sa hospice para sa mga eligible na pasyente.
Ang mga pangangailangan ng bawat pasyente ay magkakaiba, at ipinapakita ng mga pinakamahuhusay na provider na - ang customized care plans, nakatuon na mga pangkat na mula sa iba't ibang disiplina at palagiang pagsasanay sa tagapag-alaga ay mga palantandaan ng de-kalidad na hospice care.
Sinusuportahan ng tamang hospice provider hindi lang ang pasyente ngunit pati na rin ang mga pamilya at mga tagapag-alaga, na naghahandog ng praktikal, emosyonal at pang-kulturang suporta.
Ang pagkakaroon ng kaalaman tungkol sa kung anong mga bagay na itatanong sa provider ng hospice care ay nagbibigay sa iyong pamilya ng pundasyon para makapili nang may pagtitiwala at kaalaman.

Sa artikulong ito:

Paano susuriin ang iba't-ibang provider ng hospice care
Ang pagpili ng tamang provider ay mahalaga
Mga madalas itanong

Paano susuriin ang iba't-ibang provider ng hospice care

Maraming salik na dapat isaalang-alang kapag pumipili ng provider ng hospice care, kasama ang mga espesyal na kakayahan sa pag-aalaga, kasaysayan at reputasyon. Maaaring makatulong sa iyo ang pagsusuri sa mga konsiderasyong ito sa pagtukoy ng kung paano pumili ng mga provider ng hospice sa iyong lugar at paano humanap ng hospice na siyang naaangkop sa iyong mahal sa buhay.

Suriin ang kasaysayan at reputasyon ng provider

Makabuluhang mga tagapagpahiwatig ang kasaysayan, reputasyon at mga pagsusuri ng provider sa kalidad ng pag-aalaga na maaasahan mo. Bagama't nakatutulong na pagsisimula ang mga referral mula sa iyong doctor o ospital, mahalaga rin - kapag may oras - na magsagawa ng karagdagang pananaliksik bago pumili ng hospice provider. Kabilang sa mga bagay na dapat itanong ang:

Gaano katagal nang nagbibigay ng pag-aalaga ang provider, at ano ang kasaysayan ng karanasan nito sa komunidad?
Nag-eempleyo ba siya ng sarili niyang kawani o gumagamit ng kinokontratang mga manggagawa?
Ano ang sinasabi ng ibang mga pasyente at pamilya tungkol sa kanilang mga karanasan sa provider na ito?
Nakatanggap na ba ang organisasyon ng national recognition o akreditasyon para sa kalidad ng pag-aalaga?

Tingnan ang sertipikasyon at lisensya ng provider

Kabilang sa mga bagay na dapat itanong sa provider ng hospice care ang:

Ang hospice ba ay sertipikado ng Medicare, lisensyado at kinikilala sa inyong estado?
Ito ba ay tumatanggap ng Medicare, Medicaid, mga benepisyo ng VA at karamihang pribadong insurance coverage?
Nagbibigay ba ito ng charity care para sa mga pasyente na may limitado o walang medikal na insurance?

Pag-unawa sa kalakasan at kalawakan ng ibinibigay na pag-alaga

Nakabatay ang de-kalidad na hospice care sa pinasadyang pagpaplano ng pangangalaga para sa indibidwal at tuloy-tuloy na suportang nakabatay sa pagtutulungan ng pangkat. Dahil magkakaiba ang diagnosis at mga kalagayan ng bawat pasyente, dapat iangkop ang mga plano ng pag-aalaga sa partikular na medikal, emosyonal at espirituwal na mga pangangailangan ng bawat indibidwal.

Ang isang matatag na provider ay bumubuo ng nakatalagang pangkat na nakatuon sa bawat pasyente, bumibisita palagi at sinisigurado na sinanay ang mga tagapag-alaga at sinusuportahan sa buong proseso. Kapag nagsasaliksik kung paano pumili ng mga provider ng hospice, magtanong:

Ano ang iyong proseso sa pagbuo ng pinasadyang plano ng pag-aalaga at paano mo ito pinananatiling napapanahon?
Ano ang itsura ng team sa pag-aalaga? Nagtatalaga ba sila ng interdisciplinary team na may kasamang isang nurse, doctor, aide, social worker, kapilyan, espesyalista at volunteer sa pangungulila sa pagpanaw ng tao?
Paano nila tinutukoy ang dalas ng pagbisita?

Gaano kabilis na may taong tutugon kung mayroon kang tanong o kailangan mo ng tulong?
Sinanay at suportado ba ang mga miyembro ng pamilya at mga tagapag-alaga sa pagbibigay ng pangangalaga sa bahay?

Magtanong ng mga partikular na tanong tungkol sa pagtatakda ng oras at mga emergency

Ang pagkakaroon ng kaalaman kung paano pumili ng hospice provider ay nangangahulugan ng pagtingin nang higit pa sa pang-araw-araw na pangangalaga upang isaalang-alang kung paano sila tumugon sa oras ng krisis. Ang isang provider na nagbibigay-suporta, hindi lang sa pasyente, ngunit sa mga miyembro ng pamilya rin sa buong paglalakbay - at naghahandog ng 24 na oras na kakayahang maka-ugnayan at agarang pagtugon - ay maaaring makagawa ng pagkakaiba. Kabilang sa mga mahahalagang bagay na dapat itanong ang:

Gaano kabilis maaaring magsimula ang pag-alaga pagkatapos na masuri ang pasyente?
Nakapag-aadmit ba sila ng mga pasyente nang 24 na oras bawat araw, pitong araw sa isang linggo, kabilang ang mga oras na pagkatapos ng oras ng trabaho, mga Sabado't Linggo at mga pista-opisyal?

Mayroon bang taong maaasahang tutugon pagkatapos ng oras ng trabaho kung mayroon kang mga tanong o mga alalahanin?
Sino ang sasagot sa mga tawag pagkatapos ng oras ng trabaho?
Paano nila pinamamahalaan ang mga pasyente kung lumala ang kanilang mga sintomas - ipinapasok ba nila ang pasyente sa kalapit na ospital? Mayroon ba silang inpatient na hospice unit?

Magtanong tungkol sa kanilang kakayahang matugunan ang mga pangangailangan ng mga may malubhang sakit o komplikadong pasyente

May mga pasyenteng mayroong medikal na kundisyon o mga komplikasyon na nangangailangan ng espesyal na kadalubhasaan o paggamot. Mahalagang pumili ng provider na may kakayahang makamit ang kanilang mga komplikadong pangangailangan. Kabilang sa mga bagay na dapat itanong sa provider ng hospice care ang:

Tinatanggap ba nila ang lahat ng pasyente, o mayroon ba silang mga limitasyon?

Kaya ba nilang alagaan ang mga pasyente na nangangailangan ng mga komplikadong paggamot o kaya mayroong higit pa sa isang malalang sakit?
Mayroon bang espesyal na pagsasanay o kadalubhasaan ang mga miyembro ng pangkat para gamutin ang mga pasyenteng may kundisyon na tulad ng malubhang pagpalya ng puso, lung disease, o Sakit na Alzheimer?
Ang kanila bang mga doctor ay sertipikado ng board sa hospice at palliative treatment?

Suriin kung anong suporta ang ibinibigay sa mga tagapag-alaga ng pamilya

Hindi lang ang pasyente ang sinusuportahan ng tamang hospice provider ngunit pati na rin ang mga tagapag-alaga. Nagdudulot ng matinding pasanin ang pag-aalaga sa isang mahal sa buhay. Dapat na kilalanin ng hospice care ang katotohanang iyon at magbigay ng praktikal na suporta sa mga tagapag-alaga sa pagdaloy ng panahon. Itanong:

Anong uri ng pagsasanay at gabay ang kanilang inihahandog sa mga tagapag-alaga ng pamilya sa bahay?
Naghahandog ba sila ng respite care para makapagbigay ng pansamantala at panandaliang pahinga sa mga tagapag-alaga?
Gaano katagal silang naghahandog ng bereavement support (suporta sa mga naulila) pagkatapos na pumanaw ang iyong mahal sa buhay?

Alamin kung paano nila sinusuportahan ang mga may iba't-ibang pinagmulan

Ang bawat pasyente ay may natatanging pinagmulan, sistema ng paniniwala at mga pinahahalagahan. Ang mabuting hospice provider ay pinararangalan iyon nang walang paghatol. Mga partikular na tanong na dapat isaalang-alang:

Mayroon ba silang kawani na nagsasalita ng mga wika bukod sa Ingles o maaari bang makakuha ng mga interpreter?
Paano sinusuportahan ng mga kapelyan ang mga pasyenteng hindi relihiyoso o kabilang sa mga tradisyon ng pananampalatayang minorya?
Kung kinakailangan ng iyong tradisyong pangkultura ang partikular na ritwal sa oras ng kamatayan, matutugunan ba ang mga ito ng kanilang pangkat?

Nagbibigay ba sila ng pangangalaga na kinikilala ang mga pangangailangan ng mga partikular na populasyon tulad ng mga beterano, LGBTQ+ na indibidwal at miyembro ng African American, Latino, Haitan, Asian, at Jewish na komunidad?

Alamin kung ano ang naiiba sa kanila

Itanong sa hospice provider kung bakit sila naiiba; ito ay isang tanong na walang iisang sagot. Ang hospice provider na maipagmamalaki ang kanilang nagawa ay magkakaroon ng malinaw at totoong sagot. Makinig sa mga bagay tulad ng matatag na programa sa pangungulila sa pagpanaw ng tao, dalubhasang karanasan na may tiyak na mga diagnosis o malalim na ugnayan sa komunidad.

Bigyang-pansin ang mga unang impresyon kapag nakipag-ugnayan ka sa isang hospice provider.

Ang pangangalaga, kalinawan at pakikiramay na ipinakita sa mga maagang pakikipag-ugnayan ay makapagbibigay ng makabuluhang pananaw kung nararapat ang provider para sa iyong mahal sa buhay. Isaalang-alang:

Madali ba silang maka-ugnayan?
Kapag sila ay nagsalita, ito ba may sigla at pagtitiwala?

Hinihikayat ka ba nila na magtanong?
Nasagot ba nila ang lahat ng tanong sa iyong kasiyahan?
Pakiramdam mo ba na nakikita at naririnig ka nila?
Naipaliwanag ba nila ang mga bagay-bagay sa mga salitang naiintindihan mo?

Bigyang-pansin kung paano sila tumugon. Mahalaga ang relasyon sa hospice na binubuo mo - magtiwala sa iyong mga likas na ugali.

Ang pagpili ng tamang provider ay mahalaga

Ang pagkakaroon ng kaalaman tungkol sa mga opsyon sa end-of-life care na maaari mong pagpilian at kung paano pumili ng provider ng hospice care ay isa sa mga pinaka-makabuluhang bagay na magagawa ng isang pamilya para sa kanilang mahal sa buhay na mayroong malubhang karamdaman. Matagal makabuo ng listahan ng mga bagay na dapat itanong sa provider ng hospice care at maipaghambing ang mga programa ng hospice - ngunit ito ay oras na ginugol nang maayos.

Ang tamang provider ng hospice care ay nagbibigay ng pagtitiwala at kapayapaan ng isip, at tumutulong na masigurado na ang mga pakikipag-ugnayan, karanasan at alaala sa buong proseso ng paglalakbay sa hospice ay maginhawa at marangal hangga't maaari.

Ang VITAS Healthcare ay pinagkakatiwalaan at nakatuon sa pagpapatupad ng misyon na namumuno sa hospice at palliative care sa loob ng humigit-kumulang na 50 taon. Maaaring maka-ugnayan ang mga manggagamot ng VITAS upang sagutin ang iyong mga tanong, magsagawa ng pagsusuri ng pagiging karapat-dapat nang walang bayad, at matulungan kang magpasya kung tama para sa iyo ang hospice.

Mga madalas itanong

Ano-ano ang mga dapat kong itanong sa pangkat ng hospice?

Kapag nakikipagpulong sa isang pangkat ng hospice, itanong ang tungkol sa dalas ng pagbisita, access pagkatapos ng oras ng trabaho at kung paano nakikipag-ugnayan ang pangkat sa mga pamilya sa buong panahon ng pangangalaga. Itanong kung paano pinangangasiwaan ang mga emergency, anong bereavement support (suporta sa mga naulila) ang ibinibigay at kung nakatuon para sa indibidwal ang plano ng pangangalaga. Ang maagang paghahanda ng mga tanong ay nakatutulong sa mga pamilya na dumating nang handa sa unang pag-uusap na iyon.

Ano-ano ang mga bagay na dapat itanong kapag pumipili ng hospice provider?

Kasama sa mga pangunahing tanong ang kung sertipikado ng Medicare ang provider, gaano katagal na itong gumagana at kung nag-eempleyo ito ng sarili nitong mga medikal na auhan. Dapat ding magtanong ang mga pamilya tungkol sa mga kakayahan sa espesyal na pangangalaga, mga serbisyo ng suporta sa tagapag-alaga, at paano nagsisilbi ang provider sa mga pasyenteng mula sa partikular na kultura o relihiyon. Kung saan maraming mapagpipiliang mga provider, makatutulong sa mga pamilya ang paghahambing ng mga sagot upang sila ay makapili nang may malaking antas ng pagtitiwala.

Maaari bang pumili ang mga pamilya ng sarili nilang hospice provider?

Oo. Bagama't maaaring magrekomenda ang doctor ng partikular na provider, may karapatan ang mga pamilya na pumili ng isang lubos na naaangkop sa mga pangangailangan at pinahahalagahan ng kanilang mahal sa buhay. Sa mga ilang komunidad, may isang provider lamang na maaaring makuha, ngunit sa maraming lugar, may maraming mga maaaring mapagpipilian. Ang pagtatanong, pagsusuri ng mga serbisyo at pagkukumpara ng mga provider ay makatutulong upang masiguro kung alin ang lubos na pinaka-naaangkop.

Medikal na pagtanggi ng pananagutan: Ang impormasyong ibinigay sa artikulong ito ay para sa mga layuning pang-edukasyon lamang at hindi itinuturing na medikal na payo. Ang mga desisyon sa pangangalaga ay ginagawa ayon sa indibidwal na batayan ayon sa pagsangguni sa isang doctor at team sa pag-aalaga.