VITAS Advantage: Case Study tungkol sa 24/7/365 na Suporta sa Pangangalaga para sa mga Doktor
Case Study: Pasyenteng may Advanced Lung Cancer
Si MK* ay isang 67 taong gulang na dating naninigarilyo na nagdedepende sa oxygen, na sumasailalim ng chemotherapy at radiation dahil sa advanced lung cancer, at tumatanggap ng mga opioid para sa pananakit. Ang kanyang 66 taong gulang na asawa ay ang kanyang pangunahing tagapag-alaga sa bahay. Si MK ay ini-refer sa VITAS para sa hospice care noong masyado nang matindi ang kanyang karamdaman para maka-bisita sa kanyang oncologist dahil sa pagduruwal, pagsusuka, hindi mapatae, tuloy-tuloy na pagbaba ng timbang, at bagong pananakit sa kanyang balikat at sa ibabang bahagi ng kanyang thoracic region.
Kabilang sa kanyang pang-indibidwal na plano ng hospice care ay ang pagbisita ng isang nurse nang VITAS tatlong beses sa isang linggo para sa pain management, araw-araw na pagbisita ng hospice aide para sa personal care, patuloy pag-uusap sa kanyang doctor sa VITAS hospice tungkol sa layunin ng pangangalaga, at suporta mula sa isang respiratory therapist. Nagpapadala ang VITAS ng mga gamot na kaugnay sa hospice, oxygen, mga supply, at hospital bed ni MK sa kanyang bahay.
Sa loob ng dalawang araw sa unang linggo ng pagpapa-enroll ni MK sa hospice, nagbigay ang VITAS ng pansamantalang 24 na oras na pangangalaga sa tabing-kama (Intensive Comfort Care®, o ICC) alinsunod sa mga ipinag-aatas ng Medicare para mabawasan ang lumalalang paghinga, pagkaligalig, pananakit, at dehydration ni MK. Maka-ilang araw pagkatapos na ihinto ang ICC, mapayapang namatay si MK sa bahay sa tabi ng kanyang asawa at apo.
*Tinutukoy ng mga inisyal na ito ang isang hindi makikilalang pasyente at ginagamit lamang para sa mga layunin ng pagbibigay ng impormasyon.
Ang mga Hospice Services ay 'Dapat Maging Higit pa sa mga Available na Resource ng Komunidad'
Natagpuan ng isang pag-aaral sa Australia noong 2020 na nagbibigay ang hospice care ng malinaw na mga benepisyo sa mga pasyenteng may cancer habang malapit na sila sa katapusan ng buhay, kabilang ang pinabuting kalidad ng buhay para sa mga pasyente at sa kanilang mga pamilya, pinahusay na pagkontrol ng sintomas, at higit pang panahon na bukod pa sa inpatient na pangangalaga.
Ayon sa kanila, ang mga hospice services ay dapat maging "higit pa sa mga available na resource ng komunidad" para mapanatili ang mga pasyente sa kanilang mas ninanais na kinalalagyan ng pangangalaga at para masuportahan ang mga tagapag-alaga. Ayon sa mga napag-alaman sa pag-aaral, ang mga serbisyo na gaya ng 24/7/365 na availability para sa pangangasiwa ng sintomas at patuloy na edukasyong ng tagapag-alaga ay "mas malamang na maging mas klinikal na naaangkop at magdudulot ng mga mas kakaunting pagbisita sa ospital, mas maikling pananatili doon, at mas maikling panahon sa mga intensive care unit kapag nasa hospice."
Nag-uulat din ang mga tagapag-alaga ng mas mababang antas ng depresyon at pinahusay na kakayahang "makapagpatuloy sa buhay pagkatapos ng pagkamatay ng pasyente" kung nakatanggap sila ng benepisyo mula sa patuloy na suporta mula sa isang hospice team na binubuo ng iba't-ibang mga disiplina.
Sa pamamagitan ng mapag-suportang end-of-life care, napapanatili ang mga pasyente kung saan nila at ng kanilang provider ng hospice na ginugusto: sa bahay, habang napaliligiran ng kasanayan at kaginhawahan.
Nagbibigay ang VITAS ng 24/7/365 na klinikal na suporta sa dalawang partikular na pamamaraan:
- Nagbibigay ang Telecare sa mga tagapag-alaga at healthcare providers ng 24/7/365 na access sa mga manggagamot ng VITAS na nakakapag-triage at nakakapag-pamahala ng mga sintomas sa pamamagitan ng telepono o nagpapadala ng manggagamot sa tabing-kama, kung kinakailangan, upang malutas ang mga krisis
- Kabilang sa Intensive Comfort Care® ang continuous na paggagamot na ibinibigay ng mga nurse o aide sa tabing-kama nang hanggang sa 24 oras alinsunod sa mga alituntunin ng Medicare para mapamahalaan ang mga matitinding sintomas at pananakit.
Source: Currow, D., Agar, M., & Philllips, J. (2020). Role of Hospice Care at the End of Life for People with Cancer. Journal of Clinical Oncology, 38(9), 937-943. DOI: 10.1200/ JCO.18.02235
Handa na ba ang inyong pasyente para sa hospice?
Kilalanin ang Hospice Team ng VITAS
Doktor
Masusing sinusubaybayan ng doktor ang paglubha ng karamdaman ng pasyente, nagrereseta ng mga naaangkop na gamot, at nakikipatulungan sa pag-aalaga sa iba miyembro ng team.
Hospice Nurse
Sanay ang hospice nurse sa pagsusuri at pangangasiwa ng sakit na nararamdaman at iba pang sintomas. Maaari ding tumulong ang isang nurse sa personal care.
Hospice Aide
Nagbibigay ang hospice aide ng personal care sa pasyente. Sila rin ang "mata at tainga" ng iba pang hospice team.
Social Worker
Ang social worker ay tumatayo bilang magiliw at sanay na tagapakinig at nagbibigay ng emotional support.
Volunteer
Ang hospice volunteer ay maaaring magdala ng musika o isang Paw Pals animal companion, at naglalaan ng oras para malibang ang pasyente at pamilya.
Chaplain
Tinutugunan ng chaplain ang mga ispirituwal na pangangailangan ng mga pasyente at mga pamilya mula sa iba't ibang paniniwala, at maaari siyang makipagtulungan sa kanilang pari.
