Paano Tinutulungan ng Hospice ang mga Pediatric Patient na May Malubhang Karamdaman

Ang pediatric palliative at hospice care ay isang sandigan para sa mga batang nahaharap sa malubhang sakit, na nag-aalok ng angkop sa edad na pangangasiwa ng sintomas, medikal na pangangalaga, at emotional support upang mapabuti ang kanilang quality of life.

Ang pediatric palliative at hospice care ay available para sa mga pasyente mula sa kapanganakan hanggang 21 (na) taong gulang. Sa ilang kaso, ang suporta ay nagsisimula bago pa man ipanganak, upang matulungan ang mga pamilya na maghanda para sa susunod na paglalakbay sa hinaharap. Ang mga batang inirerefer para sa palliative o hospice care ay kadalasang may kumplikadong mga diagnosis at sintomas na kaugnay ng mga kondisyon tulad ng malubhang cancer, HIV, cystic fibrosis, cerebral palsy, metabolic disorder, at muscular dystrophy.

Ang nagpapabukod ng pediatric hospice ay ang flexibility nito. Ang mga bata ay maaaring magpatuloy sa pagtanggap ng mga paggamot kasabay ng palliative care (tinatawag na concurrent care), upang matiyak na mayroon silang access sa lahat ng uri ng suporta sa panahong pinakamahalaga.

Mga panuntunan sa pagiging kwalipikado para sa pediatric hospice

Ang isang bata na may life expectancy na anim na buwan o mas maikli ay kwalipikado para sa hospice care. Ang palliative care ay maaaring ibigay sa anumang yugto ng sakit ng bata, ngunit ang pinakamainam na oras upang simulan ito ay sa sandaling matukoy ang diagnosis; maaaring kabilang dito ang therapeutic play kasama ang isang espesyalista sa oras ng pagkaka-diagnose o music therapy habang isinasagawa ang paggamot upang mabawasan ang hindi komportableng pakiramdam.

Advantage ng VITAS: Bakit kami naiiba

Sa VITAS, naniniwala kami sa pangangalagang nakasentro sa pamilya, kung saan nangunguna ang mga magulang sa paghubog ng plano sa pangangalaga ng kanilang anak sa kasama ang kanilang doctor. Kabilang sa mga pangunahing tampok ng aming pediatric program ang:

• Kadalubhasaan sa Pediatric: Kasama sa aming team ang mga child life specialist at mga pediatric-trained na mga doctor, mga rehistradong nurse, social worker, chaplain, at hospice aide, lahat ay bihasa sa pagtugon sa mga natatanging pangangailangan ng mga bata at kanilang mga pamilya. Ang mga boluntaryo at espesyalista tulad ng mga respiratory therapist at dietitian ay nagbibigay ng karagdagang suporta, upang masiguro na ang lahat ng mga pangangailangan ng bata ay natutugunan.
• Kolaborasyon ng Medical Team: Ang aming mga pedriatic-trained na mga eksperto ay nagbibigay kaalaman sa mga medical team tungkol sa mga opsyon sa palliative at handang tumulong na ihanda ang mga doctor para sa mga konsultasyon ng pamilya tungkol sa susunod na yugto ng pangangalaga ng isang bata (hal., ang mga panganib-benepisyo ng mga pamamaraan) o mga nakabinbing desisyon (hal., kung ipagpapatuloy o ihihinto ang ilang partikular na paggamot).
• 24/7/365 Availability: Ang pagkakaroon ng serbisyo sa buong araw at gabi ay nagbibigay sa mga pamilya ng kapanatagan ng isip at pinapagaan ang 911 na mga tawag, pagbisita sa emergency room, at muling pagkaka-ospital.
• Mga Supportive Therapy: Mula music, art, at play therapy hanggang sa pagmamasahe at mga pagbisita sa mga alagang hayop sa Paw Pals^®, nagbibigay kami ng hanay ng mga serbisyong pinagsama-sama upang mapahusay ang karanasan ng bata.
• Suporta ng Pamilya at Kapatid: Tinutulungan namin ang mga magulang na maunawaan ang diagnosis, prognosis, at mga pangangailangan sa pangangalaga ng kanilang anak. Nag-aalok din kami ng pagpapayo sa mga kapatid at tuloy-tuloy na bereavement support (suporta sa mga naulila) para sa buong pamilya. 

Mga madalas itanong

Ano ang pediatric palliative at hospice care?

Ang pedriatic palliative at hospice care ay nakatuon sa pagpapabuti ng quality of life para sa mga batang may malubhang karamdaman. Nagbibigay ito ng angkop sa edad na pangangasiwa ng sintomas, medikla na pangangalaga, at emotional support para sa mga pasyente at kanilang mga pamilya.

Sino ang kwalipikado para sa pediatric na hospice care?

Ang pedriatic na hospice care ay available para sa mga bata mula sa kapanganakan hanggang 21 (na) taong gulang. Sa ilang kaso, ang suporta ay nagsisimula bago pa man ipanganak. Maaaring makinabang sa hospice care ang mga batang may mga kondisyon tulad ng malubhang cancer, HIV, cystic fibrosis, cerebral palsy, metabolic disorder, at muscular dystrophy.

Maaari bang ipagpatuloy ng isang bata ang mga paggamot habang tumatanggap ng hospice care?

Oo, ang pediatric hospice care ay natatangi dahil pinapayagan nito ang mga bata na makatanggap ng mga paggamot kasabay ng palliative care. Tinitiyak nito na hindi kailangang pumili ng mga pamilya sa pagitan ng comfort at paghahangad ng mga potensyal na lunas.

Kailan natin dapat ikonsidera ang pagsisimula ng palliative care?

Ang palliative care ay maaaring simulan sa anumang yugto ng sakit ng isang bata, ngunit mas mabuti kapag sinimulan ito kaagad pagkatapos ng diagnosis. Ang maagang integrasyon ay nagbibigay-daan para sa mga therapy tulad ng music, art, at play therapy na makadagdag sa mga paggamot at magbigay ng kabuuang suporta.