Paano Aalagaan ang Iyong Sarili Habang Nangungulila

Hindi madaling bumawi mula sa pangungulila, lumawig man nang buwan o taon ang iyong papel ng pag-aalaga o bunga ng di inaasahang kamatayan. Totoo ang iyong pangungulila, at sinamahan pa ito ng mga bagong pangangailangan, bagong damdamin, bagong pananagutan, mga bagong tao upang mag-comfort o maki-ugnay, sa malalaking puwang sa iyong puso at buhay.

Kailan ka may oras? Gaano ang iyong pisikal, emosyonal at espirituwal na kalusugan sa puntong ito?

Umasa sa alinman sa mga sumusunod na tip upang makagawa ng kaibahan sa kung paano mo nakakayanan ang pagkawala at pangungulila sa pagpanaw ng tao. Simulan ang paggawa ng isang aktibidad ng self-care ngayon, at magdagdag ng kaunti pa bukas. Bigyang-pansin ang iyong progreso. Anuman ang iyong pagkawala, ang paggawa ng isang bagay para sa iyong sarili araw-araw ay makatutulong sa iyong makabangon nang unti-unti.

Pag-aalaga sa Emosyon

• Sumulat ng mga email, liham at tula. Magsulat sa isang journal. I-rekord ang iyong damdamin sa tape.
• Makipag-usap sa iba tungkol sa kung ano ang naramdaman mo upang mapalaya ang mga naipon na damdamin at tensyon. Sumali sa isang grupo ng bereavement support (suporta sa mga naulila).
• Tumawa! Seryoso ang pangungulila, ngunit hindi laging taimtim. Inaalis ng pagtawa ang enerhiya ng pangungulila.
• Magbasa ng mga libro, artikulo at tula na isinulat ng iba na nakakaalam tungkol sa pagkawala.
• Tawagan ang isang maawain, matulungin at masayang kaibigan.

Pag-aalaga sa Kaisipan

• Tanggapin mo sa iyong sarili na OK-nasasaktan ka, ngunit OK lang. Ang pagkawala ang problema, hindi ikaw!
• Pansinin kung ano ang nasa iyong isipan. Pansinin pagkatapos kung ano ang mangingibabaw sa susunod.
• Magtago ng notebook upang mailabas ang mga saloobin na nagpapabigat sa iyo.
• Ugaliing ilagay ang mga bagay tulad ng mga susi at papeles sa parehong lugar bawat oras, upang mahanap mo ang mga ito.
• Gumawa ng listahan ng mga bagay na dapat gawin.
• Ibaba ang iyong mga inaasahan-tungkol sa kung gaano karami ang magagawa mo at gaano kabilis.
• Asahan na hindi ka makatutuon, makakagawa ng mga desisyon at makakaalala ng mga bagay pati na rin ng dati.

Pag-aalagang Pisikal

Nutrisyon

• Kumain ng masustansyang pagkain: tinapay at buong butil, gulay at prutas, karne, gatas at mga produktong gawa sa gatas. Iwasan ang mga junk food.
• Uminom ng maraming likido: 8 baso ng tubig at juice sa isang araw para sa hydration at pagtanggal ng mga waste.
• Iwasan ang alcohol at caffeine. Maaaring maging sanhi ng dehydration, sakit ng ulo at sakit sa likod ang mga ito. Ninanakaw ng alcohol ang mga bitamina, binabawasan ang sirkulasyon, at maaaring maging sanhi ng pagbilis ng tibok ng puso at ginagamit bilang depressant.

Mag-ehersisyo

• Tumutulong na linawin ang iyong isipan at pagbutihin ang konsentrasyon
• Nagbibigay ng pakiramdam ng tagumpay at kontrol
• Naglalabas ng mga kemikal upang maitaguyod ang pakiramdam ng estado ng kalusugan
• Nagpapataas ng enerhiya at nagpapabuti sa kakayahan ng katawan upang labanan ang sakit
• Nagpapalakas sa kalamnan ng puso at nagpapabuti ng kakayahang umangkop
• Kinokontrol ang timbang at nagpapabuti ng tono at hitsura ng kalamnan, na tumutulong upang mapabuti ang imahe ng sarili
• Ipinapahinga ang mga kalamnan pagkatapos, nagsusulong ng mas mahusay na pagtulog sa gabi
• Muling inaayos at idinidirekta ang static na enerhiya upang pagaanin ang iyong pakiramdam
• Pinakamahusay sa may labasan kapag gagawin nang maaga sa gabi, kung maaari

Matulog at Magpahinga

• Bago matulog iwasan ang caffeine, mabibigat na pagkain at mabibigat na gawaing pangkaisipan at pisikal.
• Iwasan ang marahas na mga programa sa TV sa kalaliman ng gabi.
• Iwasan ang labis na paggamit ng mga tranquilizer at barbiturate.
• Mamahinga bago matulog sa pamamagitan ng bubble bath.
• Magbasa ng isang upbeat na libro sa kama bago matulog.
• Hikayatin ang iyong isipan na kalimutan ang araw na ito.
• Makinig sa meditation, pagpapahinga o ginabayang imagery na tape.
• Sanayin ang pagpapahinga sa pamamagitan ng pag-banat/pagpapalaya sa mga kalamnan mula sa mga daliri ng paa hanggang sa iyong ulo.