Konsorsyum sa Edukasyon ng End-of-Life na Pag-aalaga sa Beterano - Pagsusulong ng Palliative Care sa Pag-aalaga ng Beterano

Ipinrisinta ng VITAS Healthcare Marion County

Ang ELNEC for Veterans Project ay isang pambansang inisyatiba sa edukasyon na naglalayong mapabuti ang palliative care para sa mga beterano. Habang ang bilang ng mga beterano sa panahon ng digmaang Vietnam na may edad na 65 pataas ay patuloy na dumarami hanggang 2034, kasabay din nitong tataas ang pangangailangan para sa hospice at palliative care.

Umaasa kami na ang pagsasanay na ibinibigay sa pamamagitan ng kurikulum na ito ay magsisilbing isa pang daan upang mapahusay ang kalidad ng pangangalaga para sa libu-libong mga beterano at magbigay sa mga clinician ng mga tool upang pangalagaan sila sa buong panahon ng kanilang karamdaman at hanggang sa katapusan ng buhay.

Ang mga nars ay sangkot sa lahat ng aspeto ng end-of-life care habang tinutugunan nila ang iba't ibang pangangailangan ng mga indibidwal sa panahong ito. Mayroon silang kakayahan na lubos na mapahusay ang comfort para sa mga humaharap sa huling yugto ng kanilang buhay. Ang mga nars at iba pang mga miyembro ng interdisciplinary team ay nagbibigay ng suporta para sa pisikal, sikolohikal, panlipunan, at espirituwal na mga pangangailangan ng mga beteranong pasyente at ng kanilang mga pamilya. Ang kurikulum ng ELNEC for Veterans ay isang pambansang inisyatiba sa edukasyon sa pag-aalaga na pinangangasiwaan ng City of Hope sa California.

Ang ELNEC-Veteran na Kurso para sa pagsasanay na ito ay naglalaman ng pitong module na tumutugon sa mga kritikal na aspeto ng end-of-life care at ang ginagampanang papel ng nurse at iba pang healthcare providers.

Kasama sa mga module na ito ang:

1. Palliative Care sa Pag-aalaga ng Beterano
2. Pagtatasa at Pangangasiwa ng Pananakit
3. Pangangasiwa ng Sintomas na Hindi Kaugnay sa Pananakit
4. Komunikasyon
5. Mga Huling Oras
6. Pagpanaw, Pangungulila, at Pagdadalamhati
7. Mga Kultural at Espirituwal na Pagsasaalang-alang

Kasama rin sa kurikulum ng ELNEC-Veteran ang ilang karaniwang tema na pinagsama-sama sa kabuuan. Ang mahahalagang tema na mga ito ay:

• Ang mahalagang papel ng bawat nars bilang tagapagtaguyod para sa mga pasyenteng beterano.
• Ang kritikal na pangangailangan para bigyang-pansin ang mga espesyal na populasyon tulad ng matatanda, mga bata, mga beterano, at mga walang insurance.
• Ang mga isyu sa katapusan ng buhay ay nakakaapekto sa lahat ng sistema ng pangangalaga sa lahat ng mga setting ng pangangalaga sa beterano.
• Naiimpluwensiyahan ng mahahalagang pinansiyal na isyu ang end-of-life care.
• Ang End-of-Life care ay mahalaga sa lahat ng karamdamang nakamamatay at sa mga kaso ng biglaang pagkamatay.

Ang ilan sa mga layunin na tatalakayin:

1. Ilarawan ang papel ng nars at iba pang miyembro ng pangkat ng pangangalagang pangkalusugan sa pagbibigay ng de-kalidad na palliative care para sa matatandang pasyente at residente sa mga pasilidad ng pangangalaga na pangmatagalan, mga nursing home, at iba pang mga setting ng pangangalaga sa beterano.
2. Maglista ng mga bahagi ng isang masusing pagsusuri sa pananakit na nakatuon sa mga pasyenteng beterano at residente ng mga pasilidad ng pangangalaga na pangmatagalan.
3. Talakayin ang mga suliranin na maaaring lumitaw sa katapusan ng buhay/palliative care sa pangangalaga ng beterano.
4. Tukuyin ang mga dimensyon ng kultura at ang impluwensya ng mga paniniwalang kultural at espirituwal sa palliative care para sa mga pasyenteng beterano.
5. Kilalanin ang tatlong salik na nakakaimpluwensya sa komunikasyon sa pangangalaga ng beterano.
6. Tasahin ang pisikal, sikolohikal, panlipunan, at espirituwal na mga pangangailangan at ang mga pamamagitan para sa isang malapit nang mamatay na matandang tao at ng kanyang pamilya.
7. Ipahiwatig ang pagkakaintindi ng mga isyu na kaugnay sa pangungulila at pagkawala ayon sa kanilang kaugnayan sa komplikado o nakababalisang mga pangyayari.

Sino ang dapat dumalo?

• Mga Rehistradong Nars at Mga Lisensyadong Praktikal na Nars
• Mga Nurse Administrator/Nursing Faculty
• Mga Nurse Practitioner at Advanced Practice Nurse
• Mga Case Manager/Discharge Planner
• Mga Social Worker • Mga Chaplain
• LTCF Administration

Anong ibibigay:

• 7 (na) CE para sa mga kalahok na mananatili sa buong kurso.
• Isang ELNEC Veteran Certificate of Attendance para sa mga kalahok na mananatili para sa buong kurso.
• Ang Almusal at Pananghalian ay ibibigay.

Ito ay isang Pangunahing Pagsasanay na Kurso. Limitado ang bilang ng upuan, magparehistro nang maaga.