Inpatient Hospice Unit ng VITAS sa Campus of St. Joseph's Wayne Hospital
Kapag kailangan ng mga pasyente sa hospice ng pag-aalaga na higit sa mapapangasiwaan sa bahay, idinisenyo ang inpatient hospice unit ng VITAS sa Campus of St. Joseph's Wayne Hospital, para magbigay ng comfort care anumang oras sa isang magiliw at maaliwalas na lugar. Layunin naming tulungan ang pasyenteng makabalik sa bahay sa lalong madaling panahon.
Ang inpatient unit staff ng VITAS, mula sa mga doktor hanggang sa mga chaplain, ay naglalaan ng oras para makausap ang mga pasyente at pamilya, at makinig sa kanila. Ang aming inpatient unit ay may espasyo para sa mga pampamilyang pagtitipon, ngunit nag-aalok din ng mga tahimik na kwarto para sa pagdarasal, pagninilay, at pag-uusap.
Impormasyon ng Bisita
Ang aming pasilidad ay isang gusaling may isang palapag na nakakonekta sa pangunahing gusali ng ospital sa pamamagitan ng isang walkway.
- Matatagpuan sa gusali 5
- Libreng paradahan
- Pagbati sa mga bisita 24/7
- Malugod na tinatanggap ang mga nakatali at maamong alagang hayop
Dahil sa coronavirus na pandemic, posibleng maging limitado ang mga oras ng pagbisita at ang mga amenity para masiguro ang kaligtasan at kalusugan ng mga pasyente, bisita, at staff.
May bibisitahin ka ba sa hospice?
Manood ng Video Tour
Kilalanin ang Inpatient Team ng VITAS
Team Manager
Pinapangasiwaan ng team manager ang lahat ng pag-aalaga sa pasyente sa inpatient na hospice unit.
Doktor
Masusing sinusubaybayan ng doktor ang paglubha ng karamdaman ng pasyente, nagrereseta ng mga naaangkop na gamot, at nakikipatulungan sa pag-aalaga sa iba miyembro ng team.
Hospice Nurse
Sanay ang hospice nurse sa pagsusuri at pangangasiwa ng sakit na nararamdaman at iba pang sintomas. Maaari ding tumulong ang isang nurse sa personal care.
Social Worker
Ang social worker ay tumatayo bilang magiliw at sanay na tagapakinig at nagbibigay ng emotional support.
Chaplain
Tinutugunan ng chaplain ang mga ispirituwal na pangangailangan ng mga pasyente at mga pamilya mula sa iba't ibang paniniwala, at maaari siyang makipagtulungan sa kanilang pari.
Espesyalista sa pangungulila sa pagpanaw ng tao
Ang isang bereavement specialist ay nagbibigay ng suporta sa pangungulila at pagluluksa para sa mahal sa buhay ng pasyente.
