Diane Psaras
Chief Human Resources Officer
Si Diane Psaras ay executive vice president at chief human resources (HR) officer para sa VITAS Healthcare, ang leading provider ng bansa para sa end-of-life care. Nahirang siya sa posisyong ito noong Oktubre 2018, at responsable sa lahat ng gawain ng HR para sa mahigit 10,000 empleyado ng kumpanya sa 15 states at sa District of Columbia.
Bilang miyembro ng Senior Executive Leadership team, si Diane ang responsable sa paghahatid ng layunin at misyon ng VITAS para sa buhay sa pamamagitan ng mga taong pinamumunuan niya. Bilang pinuno sa pagbuo ng mga estratehiya para sa mga gawain ng HR, walang tatalo sa kanya sa pagsulong niya ng talento at kultura sa VITAS, na dalawang aspeto na napakahalaga sa matagumpay na pagpapatakbo ng business ng serbisyo sa healthcare.
Si Diane ay may mahigit sa tatlong dekadang karanasan sa human resources, kabilang ang karanasan niya sa pandaigdigan at pambansang mga responsibilidad sa iba't ibang industriya. Ang kanyang karanasan sa corporate, pamumuno, at mga bagay na nagawa ay makikita sa iba't ibang mga inisyatiba at proseso-sa pagbabago ng kultura, pangangasiwa ng pagpapatakbo, pagpapalago ng kakayahan, mga pagpapabuti sa kakayahang mapanatili ng mga empleyado at pakikipag-ugnayan, at ang pagbuo ng mga metric and scorecard ng kakayahan.
Bago siya naging bahagi ng VITAS, si Diane ay nagsilbing Chief Human Resources Officer sa Healogics Inc., isang wound-care provider sa Jacksonville, Florida. Nagsilbi rin siya bilang ang senior vice president ng human resources sa Red Lobster at isa siyang opisyal ng magulang na kumpanya nito, ang Darden Restaurants Inc. Sa Red Lobster, bumuo si Diane ng matagumpay na plano ng human resource upang masuportahan ang mahigit sa 700 mga restaurant, 65,000 mga empleyado, at $2.6 na bilyong taunang kinita. Naglingkod din siya sa loob ng 14 taon sa iba't ibang posisyon sa HR sa Avery Dennison, kabilang na ang role niya bilang global HR Vice President ng Specialty Materials and Converting Group.
Si Diane ay iginawad ng IMPACT Awards bilang ang Employee Experience Leader of the Year para sa taong 2024 ng Reworked. Natanggap niya ang parangal na Front of the Front Line: Sustainable Workforce Award para sa taong 2023 mula sa HRO Today at itinuring siyang Leader of Distinction at finalist para sa CHRO of the Year. At saka noong 2023 sa pamamagitan ng HRO Today Association, pinamunuan ni Diane ang VITAS sa pagpanalo ng Best in Class for Employee Experience in Healthcare sa buong Hilagang Amerika at naging finalist para sa kapwa Best in Class: HR Technology at saka sa HR Team of the Year. Miyembro din si Diane ng eksklusibong HRO Today Executive Network C-TEN.
Noong 2010, tumanggap si Diane ng Coca Cola Spirit Award para sa HR best practices, at binigyang-parangal siya ng People Report™ Best Practices noong 2011 at 2012. Ang mga pagsisikap ni Diane upang pagbutihin at kultura sa pagtratrabaho at employee engagement sa Red Lobster ang naging pundasyon ng Darden bilang isa sa "100 Best Companies to Work For" ng FORTUNE para sa taong 2011 at 2012.
Nagtapos si Diane ng Bachelor's Degree sa Business Administration sa Youngstown State University at Master's Degree sa Business Administration sa Rollins College. Dati siyang Board Member ng Big Brother Big Sister organization sa Orlando at miyembro ng Society for Human Resource Management.
Mga Artikulo ni, o Tungkol kay, Diane Psaras
- Create a Culture of Compassion to Inspire Exceptional Care | South Florida Hospital News
- Nurturing Our Nurses: How Fostering the Right Culture Begets the Best Care | McKnights Home Care
- Diane Psaras Betters Employees to Better Patients | American Healthcare Leader
- How COVID Has Changed Healthcare HR and the Workforce | Modern Healthcare